Constituído o consello que asesorará á Administración galega en I+D e transferencia
xoves, 12 de setembro do 2019
Hoxe
constituíse oficialmente o órgano consultivo galego dirixido a
asesorar á Administración autonómica en temas relacionados coa
investigación, a transferencia e a valorización de coñecemento e a
innovación. Estamos
a falar do Consello Asesor de Investigación e Innovación, cuxa
primeira tarefa será avaliar a Estratexia de Especialización
Intelixente (RIS3). A constitución foi presidida pola directora
da Axencia Galega de Innovación (GAIN), Patricia Argerey.
O
órgano consultivo está formado por expertos representantes das
universidades galegas, os organismos públicos de investigación, os
centros tecnolóxicos, as empresas, os parques
científico-tecnolóxicos, a cidadanía e a Administración
autonómica.
O
consello terá entre as súas funcións elaborar informes relativos á
situación e ás tendencias no ámbito da I+D+i; identificar
proxectos no sector empresarial que se poidan achegar ás entidades
de investigación para o pulo a obxectivos de mercado baseados nos
resultados destas; e realizar propostas de actuación e dinamización
da investigación e innovación que poidan ser trasladados ao
Consello de Política Científica e Tecnolóxica e de Innovación a
través da representación galega nel.
Patricia
Argerey, como presidenta do consello asesor, convidou aos integrantes
a “trasladar ao faro as necesidades e inquedanzas dos colectivos
aos que representan, co obxectivo de contribuír a deseñar o futuro
da política de I+D+i en Galicia”.
A
directora de GAIN engadiu que “temos que conseguir que a innovación
xere valor non só para as empresas -para fortalecer a nosa
capacidade competitiva, de crecemento e de creación de emprego de
calidade-, senón que xere valor para a cidadanía, que achegue
solucións aos problemas sociais e permita afrontar mellor os cambios
e transformacións que a sociedade está a experimentar”.