Convocada a final do I Campionato Oficial en España de Call of Duty: Modern Warfare 2
xoves, 7 de xaneiro do 2010
Activision, Vodafone España e Marca.com son os
organizadores deste gran evento que por primeira vez ten lugar en España: o I Campeonato Oficial de Call of Duty: Modern
Warfare 2.
Os dezaseis finalistas, os mellor clasificados nas rondas
previas celebradas nas cidades de Barcelona, Sevilla, Valencia e Madrid,
enfrontaranse o vindeiro sábado día 9 de xaneiro nas instalacións de El Corte
Inglés de Preciados, na quinta planta, ás 16:00 horas, para facerse co título
de mellor xogador de España do videoxogo, segundo afirman, “máis importante da industria do
entretemento”.
De entre todos, o gañador recibirá como premio unha viaxe
e estancia para dúas persoas á cidade de Santa Mónica, en Los Ángeles, berce do
desenvolvemento da saga Call of Duty.
Asemade, os finalistas bateranse en varias roldas
eliminatorias sobre o mapa Scrapyard,
e os catro mellores clasificados xogarán a gran final no mapa Highrise.