Coremain alcanza un acordo con Phonexia para ofrecer a súa solución de biometría de voz

luns, 24 de maio do 2021 S. P.

A empresa galega Coremain vén de acadar un acordo coa compañía de software checa Phonexia para ofrecer a súa solución Phonexia Voice Verify como parte da nosa carteira de produtos. O acordo con Phonexia, referente internacional en tecnoloxías de biometría de voz e fala, acadouse grazas ao labor xerado polo equipo de Desenvolvemento de Negocio liderado por Fernando Sánchez. En palabras de Coremain, “supón un novo avance na nosa estratexia dixital experience, que nos permitiu transformar servizos e transformar procesos orientados a usuario desde fai máis dunha década”.
A empresa compostelá tamén explica que Phonexia é unha solución avanzada de pegada de voz dixital que “permite optimizar a eficiencia dos servizos de atención ao cliente e mellorar a experiencia do usuario, ao ofrecer un método de autenticación áxil, seguro e sen contrasinais co que se reducen ademais custos e tempos de resposta e prevéñense intentos de fraude”.
Ademais, o servizo destaca pola súa capacidade para “identificar as persoas en tempo real”, baseándose en datos biométricos de voz e utilizando Intelixencia Artificial da propia compañía checa, “o que posibilita unha verificación precisa e rápida”. Isto permite cousas como desbotar, nos procesos de verificación, as preguntas de seguridade aos usuarios, podéndose validar a súa identidade por teléfono e cunha precisión de máis do 92% e despois de tan só 3 segundos de voz na Rede.

PUBLICIDADE