Crazy Taxi chega a Android

mércores, 10 de xullo do 2013 Marcus Fernández

Tras a súa estrea en iOS hai uns meses, o clásico xogo de condución de SEGA Crazy Taxi conta xa cunha versión para dispositivos co sistema operativo Android 2.2 ou superior, ofrecendo a experiencia de velocidade e diversión urbana que achegaba este título na Dreamcast, pero adaptándose ás interfaces táctiles dos dispositivos móbiles.
Crazy Taxi para Android está dispoñible por 4,72 euros en Google Play, mantén tanto o seu aspecto visual como a súa banda sonora (con música de The Offspring e Bad Religion) e varios modos de xogo (o orixinal e 3 modos arcade de 3, 5 ou 10 minutos de duración). Acompañan a este título 16 minixogos, a posibilidade de gozar de cancións da nosa propia listaxe de reprodución e incluso a opción de controlar o xogo mediante mandos HID (detalle do que carece a versión do xogo para dispositivos de Apple).

PUBLICIDADE