Crossy Road terá versión con personaxes de Disney

xoves, 17 de marzo do 2016 Marcus Fernández

Pese a non deixar de ser unha versión adaptada a móbiles do clásico Frogger, o xogo Crossy Road está a converterse en todo un éxito que botou a andar en iOS, para dar o salto logo a Android e a Windows, demostrando o seu pulo ao acumular millóns de descargas e moitos xogadores amparándose na habitual fórmula do free-to-play, que non pode evitar facer o paso habitual neste tipo de xogos de éxito, e así, ao igual que títulos como Temple Run contaron con versións asociadas a franquías de éxito (Temple Run: Brave e Temple Run: Oz), agora anuncian que Crossy Road vai facer o mesmo co xogo Disney Crossy Road.
Este novo xogo manterá a súa mecánica habitual, pero en vez de contar con ducias de animais cos que procurar cruzar a estrada, teremos máis dun cento de personaxes de Disney e Pixar, comezando co clásico rato Mickey. Tamén confírmase que este novo xogo, aínda sen data, estará dispoñible para iOS, Android e Windows.

Tráiler de presentación de Disney Crossy Road

PUBLICIDADE