Cut My SIM facilita converter unha tarxeta SIM en microSIM

venres, 4 de xuño do 2010 Marcus Fernández

Recortador de tarxetas SIM en microSIM
Adaptador para volver á normalidade unha SIM recortada

Os interesados en adquirir un iPad 3G que non queiran contratar unha das tarifas de datos especiais para o dispositivo e que prefiran aproveitar unha tarifa anterior, poden empregar unha tarxeta SIM normal debidamente recortada, pois o chip que integran as tarxetas microSIM (empregadas no iPad e, posiblemente, no vindeiro iPhone) son idénticos ás das SIM ordinarias.
Pero a operación de recorte dunha SIM pode meter medo a algúns usuarios, de aí que a través da web están a vender un kit chamado Cut My SIM, e que consiste nunha cortadora de tarxetas SIM e un adaptador para permitir o uso dunha microSIM nunha fenda para tarxetas normais, que venden por 19,95 euros, o que pode parecer un prezo un tanto elevado para algo que pode facerse artesanalmente, pero que moitos agradecerán por simplificar o proceso, como demostra o feito de que a primeira remesa desta solución estea esgotada, agardándose o envío doutras tantas a finais do presente mes.

PUBLICIDADE