Deixan ver os primeiros minutos de xogo de 007: First Light

Esta previsto que o vindeiro mércores chegue ás tendas o agardado xogo 007: First Light, pero houbo algunha copia do xogo que chegou a mans dos consumidores nos últimos días, provocando que durante a fin de semana se publicase un vídeo no que se amosa a primeira misión do xogo.
A reacción de IO Interactive non se fixo agardar, e tras presentar unha reclamación por violación de copyright que levou a que o vídeo xa non estea visible en YouTube, optaron por evitar o inicio dun tirapuxa cos xogadores que conseguiron copias do xogo anticipadamente, e publicaron un vídeo cos 13 primeiros minutos, para que os máis impacientes poidan velos, e así facerse unha idea do que achegará o xogo do que xa poderán gozar mañá os usuarios que realizasen a súa compra anticipada.