Demostran que DeepSeek envía datos a servidores de China Mobile

O programa da ABC Good Morning America incluíu unha reportaxe exclusiva na que daban conta dunha investigación de Feroot relativa ao código da plataforma de IA de DeepSeek, desvelando que detectaron a posibilidade de que se transfiran datos a servidores de China Mobile, operador de telecomunicacións baixo o control do Goberno chinés que xa foi sancionado polos EE.UU. por motivos de seguridade nacional.
O experto de seguridade de Feroot, Ivan Tsarynny, demostrou que no código de DeepSeek había referencias explícitas ao envío de datos a servidores de China Mobile, co risco que supón iso para o manexo de información sensible de persoas e negocios ao tratarse con ferramentas de IA.
Estamos ante unha das moitas causas que están a provocar movementos por parte dos reguladores de distintos países para bloquear o uso de DeepSeek dende os seus territorios para protexer á cidadanía. En Europea comezamos a ver como xa hai países que amosas as súas reticencias, e hai rumores de que EE.UU. podería bloquear DeepSeek en poucos días.