Dende a Comisión Europea consideran que Facebook debe axustarse aos nosos regulamentos (e non ao revés)
martes, 18 de febreiro do 2020
Está previsto que esta semana o comisario de industria da
Unión Europea, Thierry Breton, anuncie propostas para regular aos xigantes
tecnolóxicos estadounidenses (Facebook, Google e Amazon), ás compañÃas chinesas
que reciben axudas gobernamentais e incluso ao uso da intelixencia artificial,
temas sobre os que se está a actuar con demasiada calma, xurdindo os regulamentos
de xeito reactivo, o que non é nada desexable. ConfÃase a que antes de rematar
o ano estean en vigor normas que regulen ás plataformas en liña e as súas responsabilidades.
Ante este escenarios, Mark Zuckerberg decidiu visitar a Comisión Europea para
expor os seus puntos de vista sobre os regulamentos que considera necesarios,
ao que Breton terÃa respondido dicindo que «non
somos nós os que temos que adaptarnos a esta empresa, é esta empresa a que ten
que adaptarse a nós».
Dende Facebook teñen unha posición bastante ambigua, xa que mentres proclaman
protexer aos usuarios e esixen que os gobernos creen regulamentos sobre
protección de datos, rexeitan regulamentos que consideran intrusivos.
Thierry Breton criticou que dende Facebook estean a obviar a súa posición dominante
no mercado das redes sociais e a súa pouca asunción de responsabilidades.
Na xuntanza con Zuckerberg tamén estivo presente Vĕra Jourová, vicepresidenta
de Valores e Transparencia, quen incidiu no feito de que Facebook ten que
facerse responsable do seu rol en problemas como os discursos de odio, a
desinformación e a manipulación electoral. Mentres que dende a Comisión Europea
queren que Facebook teña certa responsabilidade sobre o que acontece na súa
plataforma, dende a compañÃa de Zuckerberg queren reducir ao mÃnimo as súas
intervencións na moderación de contidos por considerar que non son responsables
da propia natureza da Internet.