Desvelan os xogos de PS Plus de outubro

mércores, 29 de setembro do 2021 Marcus Fernández

O vindeiro 5 de outubro renóvanse os xogos dispoñibles a través de PlayStation Plus sen custo adicional, selección encabezada polo shooter multixogador ambientado na II Guerra Mundial Hell Let Loose para PlayStation 5, un grande descoñecido que claramente verase eclipsado polos xogos de PlayStation 4 que ofreceranse até o 1 de novembro: o xogo de golf PGA Tour 2K21 e o grande xogo de loita Mortal Kombat X.
Hell Let Loose permite xuntar até a un cento de xogadores en batallas épicas, nas que os combates de 50 contra 10 desenvólvense nunha fronte dinámica na que os usuarios poden elixir entre 14 personaxes dispoñibles, con cadansúas armas, vehículos e equipamento.
PGA Tour 2K21 será unha boa opción para os que prefiren un xogo máis repousado, podendo gozar de réplicas de campos de golf reais tanto en solitario como competindo contra amigos (en local e en liña) e xogadores de todo o mundo.
Pola súa banda, Mortal Kombat X é un título de NetherRealm Studios que non precisa presentación, xa que é unha entrega máis da franquía de xogos de loita máis violenta, polo que os seareiros do xénero saben o que van atopar neste xogo que suporía a recuperación episódica da saga que o ano pasado chegou ao seu capítulo 11.

PUBLICIDADE