Digi renova a súa imaxe

O operador de telecomunicacións Digi, con rede de seu en varias poboacións galegas, anuncia que está a renovar a súa imaxe de marca, de xeito que ao longo de 2025 veremos como se modifica o logotipo da compañía en puntos de venda, expositores, tendas, vehículos, páxina web e redes sociais. Esta cambio desenvolverase en todos os países nos que o operador ten presenza.
Dende Digi aseguran que manteñen a súa filosofía e o seu compromiso cos clientes, para seguir a ofrecer os servizos que máis se axusten ás súas necesidades. De feito, estes días tamén están a insistir no feito de que, mentres o resto de compañías están a anunciar subas de prezo para o mes de xaneiro, Digi manterá os seus prezos axustados un ano máis.