Dinahosting oferta dominios .com, .net, .org, .es e .eu a 1 euro

A galega Dinahosting teñen vixente até o vindeiro domingo unha atractiva promoción de verán a través da que facilitan o rexistro dunha serie de dominios de Internet a un prezo de 1 euro/ano. Concretamente ofertan 2.000 dominios .com, 2.000 dominio .es, 200 dominios .net, .200 dominios .org e 200 dominios .eu, cun máximo de 5 rexistros de cada tipo por cliente particular.
Para animar aínda máis o verán, Dinahosting está a organizar un sorteo dunha viaxe en cruceiro no que participarán os seus clientes (aos que achegarán 1 participación por cada euro gastado até o remate do mes). Tamén instan a chíar co cancelo #dinacruise para contar á compañía a onde lle gustaría a cadaquén viaxar nun cruceiro. O sorteo da viaxe realizarase o 4 de setembro.