DixitalON botou a andar na Ribeira Sacra
luns, 12 de novembro do 2018
A AMTEGA iniciou
esta fin de semana na Ribeira Sacra as edicións de DixitalON,
programa formativo sobre transformación dixital para autónomos e PEME, xuntando
a un grupo de pequenos empresarios de diversos sectores (pequeno comercio,
construción, servizos sociais, alimentación e bebidas ou enxeñarÃa) para que
durante dous dÃas compartan no Parador de Santo Estevo a súas inquedanzas sobre
a dixitalización dos seus negocios. Tamén recibiron nocións chave para asumir
este proceso transformador do xeito máis efectivo e adaptado ás súas
necesidades particulares.
DixitalON abandona o formato tradicional de
formación para ir a novas dinámicas como o Visual Thinking ou a metodoloxÃa LEGO
Serious Play para explorar como transformar dixitalmente un negocio baseándose
nos procesos clave de cada empresa. Para completar esta experiencia, os
asistentes degustarán produtos tÃpicos da zona e realizarán visitas a empresas
da zona que están acometendo procesos de dixitalización e comprobar in situ os resultados.
Aqueles autónomos e profesionais de pequenas
empresas que non puideron sumarse a DixitalON Ribeira Sacra,
teñen a oportunidade de facelo na segunda edición de
DixitalON, do 23 ao 25 de novembro, nas Fragas do Eume, o parque
natural de Galicia considerado un dos máis importantes bosques atlánticos de
toda Europa.