Duke Nukem Forever chegará ás tendas a primeiros de maio

venres, 21 de xaneiro do 2011 Marcus Fernández

O tantas veces galardoado coma o Vaporware do Ano, o videoxogo Duke Nukem Forever, vai converterse nunha realidade este mesmo ano, e finalmente temos a data na que 2K Games achegará ao mercado este título para Xbox 360, PlayStation 3 e PC: o vindeiro 6 de maio.
Duke Nukem fará así un retorno por todo o grande
, convertendo en realidade un produto que xa se daba por perdido, e que pretende ser a recuperación dunha franquía chea de violencia e humor grazas ao bo traballo de Gearbox Software, compañía que conseguiu dotar dunha segunda vida a unha saga nacida en 1991 e levada ás consolas de videoxogos en 1997, e da que están a preparar novos títulos, sendo o primeiro dos mesmos o agardado Duke Nukem Forever, que tamén vén de estrear trailer:

Carátula da versión de Xbox 360 do xogo

PUBLICIDADE