E-Dixgal incorpora novos contidos de inglés
luns, 7 de xaneiro do 2019
Os preto de 21.000 alumnos e docentes dos 267
centros educativos integrados na iniciativa E-Dixgal do Proxecto Abalar, xa
teñen acceso aos contidos educativos de Inglés da Editorial Pearson, novo
provedor da materia de inglés incorporado dentro das medidas previstas pola AMTEGA
e a ConsellerÃa de Educación para seguir estendendo a educación integramente
dixital a máis centros.
A incorporación dos contidos da Editorial
Person complementa ás 750 unidades didácticas de 45 materias dos provedores
Netex Learning e Edebé, integradas xa na plataforma do libro dixital, ás que se
suman as unidades, os recursos complementarios e o acceso ao banco de contidos
da Editorial Planeta, asà como os máis de 3.200 contidos dixitais creados polos
propios docentes.
Recursos multimedia e actividades interactivas
Dentro de cada unha das unidades didácticas do
novo provedor, pódense atopar para 5º e 6º de primaria e 1º e 2º de ESO o
Dixital Book (o libro do alumnado incluÃndo os recursos multimedia e as
actividades interactivas) e as Activities (as actividades interactivas e
complementarias ás actividades do libro do alumnado). Ademais, os docentes
dispoñen de material especÃfico, non accesible para o alumnado, como son as
programacións solucionarios, guÃas e similares.
Os contidos de Pearson seguen os estándares
actuais de usabilidade da Plataforma Virtual de Aprendizaxe de E-Dixgal, cun
deseño áxil e dinámico e poden ser empregados polo alumnado e o profesorado
tanto en modo online como offline. Os novos contidos empregan a tecnoloxÃa
responsive, o que permite o seu uso nos ordenadores, tablets, smartphones...,
garantindo deste xeito a adaptación a todo tipo de dispositivo.
Incremento dun 84% no uso da plataforma dixital
O curso pasado iniciouse a integración
progresiva dun paquete de melloras para seguir estendendo a educación dixital a
máis centros. Tras a renovación de equipamento, a incorporación dun terceiro
provedor de contidos, a entrada en funcionamento do Servizo de Atención,
Soporte e Acompañamento Premium para familias, alumnado e profesorado, asà como
da mellora da conectividade en todos os centros públicos de primaria e
secundaria, nos dous primeiros meses do curso actual rexistrouse un incremento
do 84% no acceso á plataforma do libro dixital.
A incorporación dun novo provedor da materia
de inglés era outra das medidas previstas nesta iniciativa do Abalar, concibido
como un proxecto vivo, que evoluciona do concepto de equipo na aula ao de mochila dixital, un equipo que acompaña
ao alumnado en toda a súa actividade educativa, tanto dentro como fóra do
centro, e que lle proporciona o acceso a todos os recursos educativos dixitais
Aulas Dixitais
Actualmente, máis de 900 centros e 6.000 aulas
de 5º e 6º de educación primaria, Educación Secundaria e Bacharelato, son Abalar,
beneficiando a máis de 120.000 alumnos. O Proxecto Abalar foi concibido como
unha iniciativa para transformar o proceso educativo, transformando a aula
tradicional nunha aula dixital, coa implicación de toda a comunidade educativa:
pais, nais, titores legais, docentes, e alumnado.
Para conseguilo, Abalar iniciou a súa andaina
en 2010 proporcionando aos centros educativos: o equipamento e a conectividade;
contidos dixitais; accións de formación e difusión para docentes e familias;
canles de participación a través de espazos web e apps para docentes e
familias. No curso 2014-2015 Abalar avanzou na súa evolución coa implantación
nos primeiros centros da iniciativa de Educación Dixital E-Dixgal, para
estender o libro dixital no ámbito educativo galego.