EA ofrece de balde as 3 primeiras entregas de Command & Conquer

O vindeiro 16 de marzo chegará ao mercado Command & Conquer 4: Tiberian Twilight, e a xeito de promoción dende Electronic Arts decidiron emprender unha interesante iniciativa consistente en permitir a descarga de balde das 3 anteriores entregas da saga: Command & Conquer: Tiberian Sun coa súa expansión Firestorm (1,2 Gbytes de descarga), Command & Conquer: Tiberian Dawn (600 Mbytes) e Command & Conquer: Red Alert (520 Gbytes).
É de agardar que os usuarios que non coñezan este tipo de títulos, poida facer un achegamento a esta franquía e, de gustar da mesma, podería optar por adquirir a súa última entrega, de aí que resulte bastante intelixente esta oferta.