Edigal reforza a súa plataforma Breo ante os importantes picos de consumo xerados polo confinamento
martes, 7 de abril do 2020
Edigal,
referente galego no sector da tecnoloxía eléctrica, está a pór un
relevante gran de area en materia de xestión enerxética en tempos
de COVID-19. E faino a través da
súa plataforma intelixente Breo, que vén de ser obxecto dun
reforzamento do servizo, co obxectivo, en palabras da empresa, de
“garantir o correcto subministro eléctrico en millóns de fogares
confinados” por mor das directrices e disposicións do Decreto de
Alarma.
Breo,
lembra Edigal, é un sistema intelixente para a monitoraxe e
optimización da telexestión de contadores e concentradores. A día
de hoxe, explica a firma pontevedresa, é “o máis empregado polas
distribuidoras eléctricas nacionais, xa que permite detectar, en
tempo real, calquera anomalía na rede que interfira no bo
funcionamento do servizo eléctrico”.
Breo
tamén salienta pola súa eficacia e pola súa capacidade para
adaptarse a diferentes contornas, axudando á toma de decisións dun
xeito máis rápido e rendíbel, e “permitindo emendar as eivas que
puidesen afectar nestes intres a millṕons de fogares”, explica
Edigal acerca do importante labor que desprega a súa plataforma,
engadindo que a actual situación de reclusión nos fogares de
millóns de familias, provocada pola pandemia, obriga ás
distribuidoras eléctricas a reforzar o seu servizo, e intensificar o
uso de ferramentas como Breo para adaptarse ao novo escenario
económico-social (persoas traballando a distancia, nenos recibindo
clases en liña, aumento no uso de electrodomésticos, maior consumo
de medios audiovisuais, etc). Este incremento importante nos consumos
está na orixe do dito proceso de fortalecemento tecnolóxico, para
“que o servizo das distribuidoras non se vexa afectado
negativamente polo pico de consumo”.
Desde
o inicio do confinamento, o equipo técnico de Breo redobrou o seu
labor de supervisión da rede e mantense en contacto directo con cada
unha das distribuidoras eléctricas asociadas para enviar feedback
e informes de cada un dos contadores e concetradores conectados, as
súas avarías e incidencias, así como a xeolocalización do
problema, “logrando que nun breve espazo de tempo o servizo sexa
restablecido, minimizando as molestias”, explica a empresa galega.