Educación duplica para 2022 o orzamento adicado á transformación dixital do ensino
xoves, 21 de outubro do 2021
O
conselleiro de Cultura e Educación, Román Rodríguez, participou
este 20 de outubro na inauguración do Salón de Oferta de Educación
e Formación Profesional de Galicia que se celebra en Pontevedra. No
acto achegou unha serie de detalles sobre a estratexia de
transformación dixital emprendida polo seu departamento en materia
de ensino, unha estratexia que duplicou o seu orzamento, tal e como
se pon de manifesto nos Orzamentos da Comunidade Autónoma para o
2022, que
contemplan unha partida específica de 58,6M€ para a Estratexia de
Educación Dixital 2030.
Segundo
dixo, a contía destinada a equipamentos, recursos e formación en
competencias dixitais supón “máis do dobre” ca os 23,9 millóns
contemplados nas contas do presente ano e blindará “o impulso
modernizador e transformador” iniciado hai uns anos no sistema
educativo galego.
O
obxectivo, engadiu, é seguir afondando nos eixos estratéxicos do
seu departamento, entre os que se inclúe “o deseño de accións
planificadas para o desenvolvemento dun ecosistema educativo dixital
de alto rendemento para o conxunto da comunidade educativa”.
Asemade, salientou outras accións ligadas ás competencias
lingüísticas, o Plan de Nova Arquitectura Pedagóxica (que inclúe
o deseño dos novos espazos escolares poscovid tecnoloxicamente
dotados, máis saudábeis e máis sustentábeis), e o impulso do
modelo galego de FP e a súa aposta pola empregabilidade.