El Escarabajo Verde céntrase esta semana na destrución do Courel

Xa podemos ver na Web un avance do estudo que veñen de facer os responsables do programa El Escarabajo Verde de La 2 sobre a que (polo menos até o de agora) estaba considerada a xoia da biodiversidade de Galiza, a comarca do Courel. O espazo, que se emite cada 7 días en boa medida poñendo de relevo causas e consecuencias de problemas ambientais do territorio español, céntrase desta volta na dita paraxe lucense baixo o seguinte título: O Courel sale a la pizarra. Poderemos velo ás 12 horas na dita cadea estatal.
Polo que se avanza no espazo en liña do programa, semella que o director Mario de la Mano tentou meterse no fondo da problemática, procurando as declaracións de quen defende dunha ou doutra maneira a presenza das explotacións pizarreiras (que son as que está a acabar con esta paisaxe, malia a achega de cartos e postos de traballo) e de quen aposta por actividades económicas alternativas, máis sostibles e máis acordes co contorno.
No documental tamén se aborda o conflito da mina da Campa, unha das concesións da firma Cupa Group (con participación de Caixa Galicia) “que para os conservacionistas é exemplo de todo o negativo deste tipo de industrias que fundamentan o seu traballo no estrago da natureza”, sinálase na web de El Escarabajo Verde.