El Rubius pon á venda un teclado mecánico

O célebre creador de contidos coñecido como El Rubius sorprendeu anunciando un produto desenvolvido baixo marca da súa propiedade Mad Kat (que non debemos confundir coa reputada marca Mad Catz, especializada en produtos para gaming). Trátase dun teclado mecánico que aseguran que foi personalizado polo propio Rubén Doblas, que estaría dispoñible para a súa reserva por tempo limitado (até o 5 de xaneiro ou fin de existencias) a un prezo de 99,99 euros, e que se entregaría aos compradores en marzo de 2025.
O teclado coñecido como Katboard, estaría dispoñible cun deseño en cor negra ou en cor amarela, tería teclas con distribución ISO español personalizadas (por exemplo, a tecla de Windows ten serigrafiadas as letras OMG, e las letras inclúe tamén caracteres hiragana), empregaría interruptores Kailh Red, contaría con retroiluminación, contaría cunha rolla de control de volume e ofreceríase con complementes como unha alfombra para o rato.
Estamos ante un produto que probablemente aproveite a tempada de Nadal para ter unhas vendas importantes polo seu atractivo como agasallo, e aínda que pode parecer un produto moi caro (de feito, é posible atopar modelos de teclado semellantes pola metade de prezo), non podemos esquecer que estamos ante un tipo de accesorio que normalmente xa se move en prezos elevados, e como mostra podemos ver como o tamén creador de contidos Nate Gentile puxo hai pouco á venda un teclado mecánico de grande calidade a un prezo de 350 euros, esgotando rapidamente as unidades dispoñibles (500).