En agosto teremos en Europa o novo xogo de Ataque a los Titanes
xoves, 12 de maio do 2016
O
manga Ataque a los Titanes é unha das
obras máis influentes dos últimos anos, dando lugar a unha serie de animación
de grande éxito e incluso a unha adaptación en acción real para os cines
xaponeses, e non tardou moito en contar tamén con videoxogos para consolas
portátiles, e na liña destes últimos temos que o 26 de agosto vai
comercializarse en Europa o xogo A.O.T. Wings of Freedom,
que estará dispoñible en formato fÃsico para PlayStation 4 e Xbox One, de xeito
que ofrecerá unha experiencia máis coidada que os anteriores xogos para
Nintendo 3DS, o que precisamente fai que o novo tÃtulo sexa moi desexado polos
seareiros da franquÃa.
O xogo centrarase principalmente na trama da primeira tempada da serie de
televisión de Ataque a los Titanes,
especialmente na figura dos seus tres personaxes centrais, superviventes dun
distrito cunha cidade amurallada que quedaron orfos tras o ataque duns xigantes
come-homes e decidiron alistarse nas forzas especiais que se encargan de
defender á Humanidade desta ameaza.
Pero a versión europea deste xogo quere chegar dun xeito moi especial, e asÃ
anuncian que vai
contar cunha edición especial para PlayStation 4 chamada Treasure Box e que, aparte do xogo en formato fÃsico, incluirá
a banda sonora orixinal, un libro de arte, unha bufanda-toalla cunha ilustración
na que podemos ver a tres dos personaxes centrais (Eren, Mikasa e Levi), 6
chapas e un código de descarga para un traxe especial alternativo para Armin.
O xogo tamén contará con versións descargables para PS3, PS Vita e PC (Steam).
- A PlayStation 4 contará cunha edición especial con contidos adicionais
Tráiler de A.O.T. Wings of Freedom