En marcha Adiante.gal, novo medio de comunicación galego
luns, 30 de abril do 2018
A
Rede galega está viva e cada pouco danos novas e importantes
sorpresas. Co remate deste mes de abril, sen ir máis lonxe, ponse en
marcha un medio de comunicación que xunta no seu nome dous termos de
especial significado, a palabra “adiante”, con todo o que esta
implica de espírito innovador, e máis o termo “.gal”, o sinal
de que estamos ante un dominio galego con plena vontade de selo.
Adiante.gal, xornal de
entrevistas, opinións, reportaxes e análises, vén da man de
Adiante S. Coop galega, unha cooperativa de traballo asociado
constituída por tres socias e aberta a novas achegas desde este
mesmo luns, 30 de abril, data do comezo das súas publicacións
regulares.
Segundo
contan dende a cooperativa, Adiante.gal proponse informar “desde a
reflexión e o rigor, tomándose o tempo preciso para elaborar cada
unha das historias, e desde unha pluralidade de voces na que cada
colaboradora e colaborador ten o seu punto de vista”. A nova
plataforma de comunicación, ademais, nace para ser tamén un espazo
en liña onde as lectoras e os lectores poidan contribuír ao
xornalismo e, seguindo esta liña de participación e de
desenvolvemento colectivo, nos vindeiros meses iranse creando
ferramentas para garantir esta implicación da comunidade.
Adiante.gal
financiarase coas achegas das socias traballadoras e das socias
promotoras, e cos recursos xerados a través apoio do apoio dos
subscritores. Para máis información, podemos contactar coa
cooperativa a través da conta redacción@adiante.gal, ou ben
facelo a través do Facebook,
o Instagram ou o
Twitter.