En marcha o Portal da Investigación da USC
martes, 13 de abril do 2021
A
Universidade de Santiago vén de pór en marcha o seu Portal
da Investigación, logo dun período de probas de dous meses, co
obxectivo de difundir,
dar visibilidade e transferir á sociedade os resultados das
actividades de investigación dos seus campus (o compostelán e o
lucense).
Segundo
fai saber a USC, este novo espazo facilita o acceso ás publicacións
e datos de I+D, contribuíndo aos obxectivos da ciencia aberta, ao
tempo que establece “unha relación entre o financiamento e os seus
resultados, realizando un exercicio de transparencia ao tempo que
mellora a visibilidade e o impacto da institución”.
A
páxina permite explorar o persoal investigador nas unidades
organizativas definidas pola USC ou facer unha procura específica na
caixa de busca. Ademais, achega a posibilidade de explorar os
diferentes grupos que integran o tecido investigador da Universidade.
Por
outra banda, estará decote sometido a actualizacións cos contidos
das publicacións procedentes de Dialnet, incluíndo as súas
métricas, e semanalmente cos datos de Scopus.
No
futuro, prevese a incorporación das publicacións da Web of Science
(WoS).
Asemade,
o portal renóvase a diario coas actividades que consten nas bases de
datos do Vicerreitorado de Investigación e Innovación.
“Deste
xeito, o novo espazo presenta os resultados globais da institución,
con diversos apartados dedicados a publicacións, teses doutorais,
colaboracións con outros centros ou patentes, entre outros
aspectos”, engadiu a USC.