En outubro teremos xogo dos Guardians of the Galaxy
luns, 14 de xuño do 2021
Durante a fin de semana Square Enix deu conta do grande xogo
que está a desenvolver Eidos Montreal, Marvel’s
Guardians of the Galaxy, do
que non só estrearon tráiler e deron detalles, senón que tamén anunciaron que
sairá á venda o 26 de outubro con versións para PS4, PS5, Xbox One, Xbox Series
X|S e PC, permitindo que o xogador poidan adoptar o rol de Star-Lord para
liderar aos Gardiáns e salvar o Universo nunha aventura chea de sorpresas, na
que non esquecerán os toques de humor propios da súa adaptación cinematográfica
(aÃnda que cómpre advertir de que o xogo está baseado na banda deseñada
orixinal e só ten algúns toques do produto para a pantalla grande).
Aparte do humor, o xogo tamén collerá da adaptación cinematográfica un detalle
moi importante: a banda sonora. Deste xeito contarase con máis de 30 grandes
temas musicais dos anos 80 de Iron Maiden, Kiss, New Kids On The Block, Rick
Astley e moitos máis para conseguir unha ambientación sonora moi acorde ao que
esperan os seareiros desta franquÃa.
O xogo está xa dispoñible en reserva tanto en soporte fÃsico como dixital, o
que facilita o desbloqueo anticipado de atavÃos
para Star-Lord, e confÃase en que sexa un dos grandes éxitos do outono, depositando
os seareiros da Marvel grandes esperanzas neste tÃtulo tras a grande decepción
do xogo dos Vingadores, que buscando converterse nun xogo como servizo
estragou a experiencia.
- Os inadaptados protagonistas do xogo terán que embarcarse nunha aventura para salvar o Universo
- O xogo conta cun argumento totalmente orixinal
Tráiler de Marvel’s Guardians of the Galaxy