Epson presenta novos proxectores con son desenvolvido por Bose

Epson presenta a nova gama de proxectores Lifestudio, que destacan pola incorporación da tecnoloxía Sound by Bose. Estes modelos de proxector buscan transformar o lecer doméstico ao ofrecer unha experiencia inmersiva que combina imaxe e son de alta calidade.
A serie inclúe opcións portátiles como Lifestudio Flex e Lifestudio Pop, deseñadas para levar cine e música a calquera espazo grazas á resolución 4K PRO-UHD ou Full HD, proxeccións de ata 150 polgadas e un audio envolvente sen necesidade de altofalantes adicionais.
Pola súa banda, o Lifestudio Grand aposta pola proxección de ultracurta distancia, capaz de xerar pantallas de ata 120 polgadas cun detalle realzado por HDR10 e cores vivas mesmo en condicións de luz ambiente (por contar cun brillo de 3.600 lumenes).
Os sistemas de son Sound by Bose, desenvolvidos en colaboración coa firma estadounidense, aseguran unha sincronización precisa coas imaxes e engaden graves profundos e riqueza de matices.
Os prezos de lanzamento van desde os 749,99 euros do modelo Lifestudio Pop Full HD ata os 2.499,99 euros do Lifestudio Grand. A gama xa está dispoñible a través da web oficial de Epson e en distribuidores seleccionados, cunha garantía de cinco anos incluída.