Este ano teremos novos xogos de Pokémon para Nintendo Switch e 3DS

Durante a xornada de hoxe emitiuse un novo Nintendo Direct dedicado á franquía de Pokémon, no que Tsunekazu Ishihara, presidente e director executivo de The Pokémon Company, e Junichi Masuda, director de Game Freak, anunciaron novidades para Nintendo Switch e Nintendo 3DS.
O xogo máis importante do que deron conta é Pokkén Tournament DX, que vén a ser a versión para Nintendo Switch do Pokkén Tournament de Wii U, incorporando novidades como un novo loitador (Decidueye) e novos Pokémon de apoio (Litten e Popplio), e que estará dispoñible a partires do 22 de setembro.
Polémico foi o anuncio de Pokémon Ultrasol e Pokémon Ultraluna, xogos para Nintendo 3DS que sairá á venad o 17 de novembro, e que serán versións renovadas de Pokémon Sol e Pokémon Luna, xogos que moitos consideran demasiado recentes como para recibir este tratamento. Ao longo do ano irán dando máis detalles destes títulos.
A, finalmente, a consola virtual de Nintendo 3DS recibirá Pokémon Edición Oro e Pokémon Edición Plata, xogos que saíron inicialmente en 1999 para Game Boy Color, e que agora poden recuperarse podendo tirar proveito das funcións de comunicación sen fíos de 3DS (para realizar intercambios e combates en conexión). Os xogos serán compatibles coa Cápsula do Tempo e co Banco de Pokémon.