Este luns celébrase a bicada colectiva a prol da lingua convocada no Facebook
luns, 14 de febreiro do 2011
Hoxe 14 de febreiro é o dÃa dos namorados,
pero non está todo perdido. Para quen xa perdera a confianza nesta festa, cousa
por outra banda totalmente comprensible, cómpre dicirlle que é posible celebrala
a prol de causas moito máis xustas cás de mellorar os ingresos das grandes
superficies. Segundo nos informa A Mesa, pode ser unha boa base para defender a
lingua, desta volta salientando non só a vertente oral do termo, senón tamén a
outra: a que non ten nada que ver coas palabras. Tal e como conta a plataforma
galega no seu sitio en Facebook,
este dÃa 14 a partir das 17.00 horas celébrase na praza do Toural, en Santiago,
unha xeira colectiva de bicos para defender o noso idioma, xeira á que estamos
todas e todos convidadas/os. A campaña, posta en marcha dende o Facebook, está
aberta a toda a comunidade internauta e só se esixe un requisito mÃnimo: levar
parella.
Segundo reflicten medios como Xornal,
a intención da Mesa é cinguir a defensa do galego a feitos positivos, non só a
feituras e conceptos puramente reivindicativos. A convocatoria, que forma parte
de Goza coa túa lingua, abrangueu os
dÃas pasados a distribución de logos e recursos gráficos e a estampación de
chapiñas e camisetas. O acto, para o que se pide puntualidade, ten feitura de flashmob. Ou sexa, de xuntanza convocada
a través de redes sociais e demais servizos tecnolóxicos e dixitais co fin de
concorrer nun lugar concreto e facer unha reivindicación rechamante para logo
seguir cada participante coa súa vida.