Estiman que X perdeu o 78,7% do seu valor tras a compra de Elon Musk

Non é ningún segredo que tras a compra de Twitter por parte de Elon Musk a compañía non parou de caer en ingresos, pero resulta difícil saber canto caeu en valoración, aínda que as propias compañías que realizaron investimentos na marca parecen telo claro, e Fidelity vén de actualizar a valoración das súas participacións en X.
Fidelity, a través do seu fondo de investimento Blue Chip, metera 19,66 millóns de dólares en accións de X, a finais de xullo estimaban que o seu prezo tería caído até os 5,49 millóns de dolares, e agora reducirían a valoración até os 4,19 millóns de dólares, o que supón a perda do 78,7% do valor. Deste xeito, podemos estimar que, aínda que Musk pagarse 44.000 millóns de dólares por Twitter, o valor actual de X estaría no contorno dos 9.400 millóns de dólares.