FACUA esixirá que se investiguen as prácticas de Apple fronte as baterías de iPhone degradadas

O plan de substitución de baterías dos vellos iPhone a un prezo reducido (29 euros en vez de 89) non parece satisfacer a moitos, e mentres nos EE.UU. hai xa ducias de demandas colectivas en curso e en Francia poderían emprender unha investigación xudicial polas acusacións de obsolescencia programada, en España temo a FACUA asegurando que vai pedir á Fiscalía que investigue se Apple cometeu delitos ao ralentizar os iPhone.
A asociación FACUA-Consumidores en Acción considera que Apple podería ter incorrido en prácticas delitivas ao facer que os iPhone con baterías degradadas fosen máis lento de xeito deliberado e sen avisar previamente supostamente para acelerar a súa substitución. Isto constituiría un delito contra os consumidores e tamén outro de sabotaxe informática, que consideran que non compensaría unha simple redución do custo dun cambio de batería dos móbiles afectados.
FACUA tamén critica que ningunha das autoridades autonómicas e estatais de protección ao consumidor anunciaran actuacións ante as prácticas irregulares cometidas por Apple.