FEAE Galicia axuda á docencia ante os desafíos TIC dunha terceira vaga de COVID-19
mércores, 13 de xaneiro do 2021
FEAE
Galicia (Forum Europeo de Administradores de Educación) arrinca en
2021 con novos recursos de capacitación tecnolóxica para axudar ao
tecido docente a afrontar os grandes desafíos de información e
comunicación aos que se enfronta a educación neste contexto de
pandemia. Estamos
a falar do Work Café Virtual: Claves para a incorporación
(con sentidiño) das tecnoloxías nas aulas.
Proponse
como unha actividade de fortalecemento profesional-docente ante unha
máis que posíbel terceira vaga da COVID-19, na que o profesorado
“terá que enfrontarse a unha gran heteroxeneidade nas aulas, dende
alumnado confinado até o posíbel peche dalgunha clase ou o reforzo
individualizado dalgún alumnos e alumnas froito do confinamento do
2020”.
A
actividade contará coa presenza de María José Fernández Barreiro,
educadora social e pedagoga, con 20 anos no sector da formación
online responsábel de creación de contidos formativos para
diversas organizacións, entre elas os libros dixitais que Netex
ofrece a través do proxecto e-Dixgal en máis de 400 centros
educativos galegos. Actualmente é consultora pedagóxica e
participa no deseño, desenvolvemento e teste de aplicacións
educativas dentro de Netex.
No
webinar mostraranse algunhas claves sobre como incorporar as
tecnoloxías, pero “usando o sentido común, analizando e usando
aquilo que realmente precisemos e nos resulte de utilidade para o
proceso pedagóxico”, explican dende a organización da actividade
formativa, engadindo
que xa está dispoñíbel o formulario para a inscrición.