Facebook anuncia que promoverá os contidos orixinais no taboleiro de novas
martes, 30 de xuño do 2020
Para moitos usuarios o taboleiro de novas de Facebook xoga un
papel moi importante na súa dieta informativa, que por desgraza atópase
sumamente intoxicada polas falsidades que proliferan na Rede e, moi
especialmente, na plataforma social de Mark Zuckerberg, que unha vez máis promete
que vai dar prioridade ás novas de calidade que proveñan de medios fiables e que
teñan unha autorÃa clara.
Facebook promete dar unha maior relevancia aos artigos xornalÃsticos orixinais,
ou sexa, que dará máis valor a reportaxes de investigación que desvelan feitos
e datos de interese, asà como de retransmisións que dean testemuños de interese,
pero esta aposta polo xornalismo resulta bastante difÃcil de crer, xa que é unha
promesa repetida en numerosas ocasións, e o feito de que anuncien que vai
comezar por medios en inglés dá a entender que non avanzaron absolutamente nada
tras os anuncios anteriores de apostar polas novas de calidade.
Desta volta o máis curioso é que Facebook anuncie que vai distinguir os artigos
que estean asinados polo redactores dos medios, xa que entende que é un xeito
de evitar contidos publicitarios ou que simplemente empregan cebos para captar
a atención do público sen ter detrás información de calidade ou utilidade.
Faceobok asegura que as novas medidas que aplicarán mellorará a distribución de
contidos orixinais por parte dos medios en liña, que nos últimos anos puideron
ver como cada vez resultáballes máis difÃcil facerse un oco entre contidos de
baixa calidade que simplemente buscaban captar a atención aproveitando que
Facebook prima prácticas como o clickbait, que consegue un alto nivel de
interacción pese a levar a contidos que os usuarios non queren realmente promover.