Fallout 3 estrea novo contido descargable para Xbox 360 e PC
martes, 5 de maio do 2009
Fallout 3 non só é considerado coma o mellor xogo de 2008
por moitas publicacións especializadas, senón que tamén mantén a súa vida graza
a contidos descargables con novas misións para o xogo, e tras The Pitt chega agora Broken Steel, un novo capÃtulo para este
xogo de supervivencia nun mundo postnuclear dispoñible para Xbox 360 e PC, mentres
que os
usuarios da versión de PS3 teñen que quedar
coas ganas.
Esta nova expansión véndese
no Bazar de Xbox LIVE por 800 puntos (9,6 euros) e parece estar a
funcionar axeitadamente, mentres que a versión para PC está a resultar un
pesadelo, pois os
usuarios que a adquiriron están a denunciar a aparición dun erro na
descarga que impide gozar deste interesante contido, problema do que a xente de
Bethesda (estudo detrás do xogo) culpa á plataforma Games for Windows Live,
asegurando que Microsoft
está a traballar na solución deste fallo na aplicación de protección DRM.
Trailer do Fallout 3: Broken Steel, que non recomendamos ver a quen non rematese o xogo orixinal, pois contén spoilers