Filtran unha imaxe dun futuro tablet de Samsung

Cando o móbil Samsung Galaxy S chega a Europa fíltrase á Rede unha imaxe na que podemos ver tal terminal xunto ao seu irmán maior, o Samsung Galaxy Tab, que será un tablet con pantalla TFT de 7 polgadas que funcionaría co sistema operativo Android e que destacaría, entre outras cousas, por contar cunha icona de chamadas en pantalla, ou sexa, que sería un modelo 3G que non tería limitadas as funcións de voz coma o iPad de Apple, de xeito que poderiamos estar directamente ante un Samsung Galaxy S cunha pantalla xigante, que incluso conta con cámara frontal para videochamada e que, segundo os rumores, sería o primeiro de 3 modelos (¿presentará Samsung tablets de varios tamaños?).