Final Fantasy XIV: A Realm Reborn terá versión para PlayStation 4
luns, 27 de xaneiro do 2014
En 2013 Square Enix fixo realidade a resurrección do seu
malogrado xogo masivo en liña Final
Fantasy XIV na forma de Final Fantasy
XIV: A Realm Reborn, tÃtulo para PlayStation 3 e PC que acumulou máis de
1,5 millóns de conta de usuario, polo que consideraron atinado anunciar que o
vindeiro 14 de abril o xogo dará o salto á nova PlayStation 4, sendo
posible gozar da súa versión de proba a partir do 22 de febreiro.
Tamén será posible facerse cunha edición para coleccionistas do xogo no que
haberá que defender o reino de Eorzea, que contará cunha caixa exclusiva cun
deseño de Yoshitaka Amano, un libro de ilustracións con cubertas duras, un
disco coa banda sonora, un grupo de cartas de deseños, o token de seguridade telemática e unha serie de contidos dixitais
para o xogo. Aparte do disco co xogo, tamén se inclúe un segundo disco co
contido adicional titulado The Waning of
the Sixth Sun.
- O lanzamento de Final Fantasy XIV: A Realm Reborn celébrase cunha edición para coleccionistas bastante completa