Final Fantasy XV podería estrear demo no mes de marzo

mércores, 17 de setembro do 2014 Marcus Fernández

No mes de marzo sairá o xogo Final Fantasy Type-0 HD para Xbox One e PlayStation 4, e segundo publicou fugazmente na súa páxina web a revista Game Informer (información que non está dispoñible actualmente) o xogo incluirá un cupón para poder descargar a versión de demostración de Final Fantasy XV, un xogo moi agardado polos seareiros da franquía de Square Enix, que permitiría experimentar con algúns elementos das primeiras partes do xogo no que dan en chamar Episode Duscae.
É de agardar que estes días confirmen durante a celebración do Tokyo Game Show os detalles sobre a nova grande entrega de Final Fantasy, dando a impresión de que Game Informer só eliminou temporalmente a información sobre a nova demo da mesma, para evitar estragar o anuncio que previsiblemente farían mañá mesmo.

PUBLICIDADE