Football Manager 2025 sairá finalmente o 26 de novembro

Os seareiros dos xogos da serie Football Manager levan semanas agardando pola edición deste ano, adiada por mor de que o xogo está renovarse profundamente para funcionar integramente baixo o motor Unity, e por fin anuncian o seu calendario de lanzamento, de xeito que o vindeiro 26 de novembro chegará Football Manager 25 a PC/Mac, mentres que a consolas Xbox Series X|S e PlayStation 5 o xogo chegará como FM25 Console e a dispositivos móbiles levará por nome FM25 Mobile e será exclusivo para subscritores de Netflix. A versión para Nintendo Switch, FM25 Touch, ten fixada como data de lanzamento o 3 de decembro.
Esta nova entrega da saga supón un importante avance técnico e visual, como tamén suporá un cambio salientable o debut do fútbol feminino. O xogo contará con numerosas melloras en todos os seus apartados.
Confirman que as reservas do xogo na súa versión para ordenadores persoais recibirán un desconto do 10% nas tendas dixitais na que está dispoñible oficialmente (neste momento, Steam, Epic Games e a tenda de Microsoft).