Fujifilm presenta unha cámara compacta de medio formato e obxectivo fixo

Fujifilm anuncia o lanzamento mundial no mes de abril da nova cámara Fujifilm GFX100RF, a primeira cámara dixital de obxectivo fixo da serie GFX, equipada co sensor de alta velocidade GFX 102MP CMOS II de 102 Mpíxeles e co último motor de procesamento de imaxes de alta velocidade X-Processor 5.
Esta nova cámara, cun peso de 735 gramos, convértese na máis lixeira da familia GFX, a pesar de ter un obxectivo fixo. Tamén é a primeira cámara da compañía en inclúe un dial de relación de aspecto, que permite cambiar entre nove formatos de disparo versátiles para facer que a experiencia de disparo sexa máis agradable ao adaptar a relación de aspecto ao suxeitou ou á intención creativa.
Está equipada cun obxectivo F4 de 35 mm (equivalente a 28 mm en formato de 35 mm) que ofrece un campo de visión moi versátil, apoiado polo último sistema de enfoque automático de detección de suxeitos baseado en IA, de alta velocidade e gran precisión, o que garante un rendemento excepcional en diversos escenarios de disparo, desde instantáneas ocasionais até reportaxes profesionais.
A Fujifilm GFX100RF preséntase como unha cámara compacta e lixeira, cun sensor de 102 Mpíxeles, que persegue que o usuario poida levala sempre enriba, para poder gozar da fotografía de grande formato en calquera momento. Na súa traseira inclúe unha pantalla LCD abatible de 3,15 polgadas e 2,1 Mpíxeles, pero o que realmente destaca pola súa calidade é o seu visor OLED de 0,5 polgadas e 5,76 Mpíxeles que facilita o disparo de fotografías con grande precisión.
Aparte de detalladas imaxes, a cámara tamén pode gravar vídeo até 4K a 30 imaxes por segundo en 4:2:2 a 10 bits, contando tamén con gravación F-Log2 para poder gozar dun grande rango dinámico.
Esta cámara está fabricada con grande calidade, busca atraer a fotógrafos de rúa e de viaxe moi esixentes, competindo con cámaras de luxo como a Leica Q3, aínda que cun prezo máis axustado (nos EE.UU. terá un prezo de 4.899,95 dólares, mentres que en Europa custará uns 5.500 euros).