Fujitsu venderá un móbil con Android e un grosor de só 6,7 milímetros

martes, 22 de novembro do 2011 Marcus Fernández

Motorola presume do seu novo RAZR por ter unhas prestacións excelentes, un deseño elegante e un grosor de só 7,1 milímetros, resultando claramente máis delgado que o iPhone 4 (con 9,3 milímetros de grosor) e agora Fujitsu achega ao Xapón a través de NTT DoCoMo o terminal ARROWS μ F-07D, que, aparte de funcionar cun procesador Qualcomm MSM8255 a 1,4 GHz, 512 Mbytes de RAM, 1 Gb de almacenamento interno, sistema operativo Android 2.3 e cámara CMOS de 5 Mpíxeles, presume dun grosor de só 6,7 milímetros (na súa parte máis delgada).
Estamos ante un móbil que sairá á venda en 2012, que medirá 127 x 64 x 6,7-8,5 milímetros, 109 gramos de peso, pantalla de 4 polgadas cunha resolución de 480 x 800 píxeles e lector de tarxetas de memoria microSDHC de ata 32 Gb, que descoñecemos se contará cunha versión para a súa distribución internacional.

O novo móbil de Fujitsu ten un grosor de só 7,1 milímetros

PUBLICIDADE