GAIN mostra ante os investidores da industria UAV as importantes posibilidades do Polo Aeroespacial de Galicia
martes, 21 de xuño do 2022
A
feira Expodrónica 2022, o maior evento estatal centrado nos vehículos aéreos non
tripulados, acolleu
este martes 21 de xuño a presentación do Polo Aeroespacial de
Galicia, o proxecto impulsado pola Axencia Galega de Innovación
para converter a nosa terra nun referente no sector. A encargada de
dar a coñecer os detalles presentes e futuros do Polo foi a
directora de GAIN, Patricia Argerey. A feira celébrase até o xoves
23 no marco do World ATM Congress, no recinto feiral IFEMA de Madrid.
O obxectivo de GAIN é situar a nosa terra no punto de mira dos
axentes investidores da industria dos sistemas non tripulados.
Na
exposición ofreceuse “unha visión integral” da Civil UAVs
Initiative relatada a través das voces dos seus protagonistas: a
Administración galega, as empresas, os centros tecnolóxicos, as
entidades usuarias dos proxectos de Compra Pública de Innovación e
as startups.
A
directora da Axencia Galega de Innovación, Patricia Argerey, puxo en
valor que a Civil UAVs Initiative naceu “coa mirada posta en
especializar e fortalecer o sector industrial galego”. A directora
sinalou que “contamos cun número crecente de integrantes do
ecosistema que viñeron para quedar e seguir aumentando a súa
dimensión, as súas metas e os seus servizos” e destacou “as
capacidades das empresas e centros de coñecemento que participan no
Polo Aeroespacial de Galicia”.
A
Civil UAVs Initiative apoia a organización de Expodrónica, cuxo
teatro leva unha vez máis o nome da iniciativa galega para o
desenvolvemento e consolidación dunha industria dos vehículos e
sistemas non tripulados de uso civil e a súa aplicación nos
servizos públicos.
Segundo
explicou Argerey, no Civil UAVs Initiative Theatre ofrécese, durante
os tres días de celebración do World ATM Congress, unha
programación enfocada ao futuro da aviación e á integración da
mobilidade aérea avanzada, xestión do tráfico de sistemas non
tripulados, vehículos aéreos autónomos e remotamente pilotados ou
novos sistemas de xestión do tráfico aéreo.
O
Polo Aeroespacial de Galicia está presente tamén na área de
exposicións deste destacado evento, onde comparte stand co Consorcio
Aeronáutico Galego; e no que empresas como Indra, Seadrone, Centum,
Aerocámaras, UAV Works e Lupeón amosarán os seus produtos e
servizos e realizarán demostracións durante os tres días de
Expodrónica.
O
programa de incubación, aceleración e consolidación de empresas da
Civil UAVs Initiative, Business Factory Aero, manterá o prazo de
presentación de candidaturas desta cuarta edición aberto ata o
vindeiro 15 de agosto, dispoñendo tamén dun espazo propio na feira.
Folla
de ruta
A
Xunta de Galicia, a través de GAIN, xa ten en execución 84 millóns
de euros no novo período de actuacións da Civil UAVs Initiative. Na
actualidade están abertas dúas licitacións: unha de Compra Pública
Precomercial para a selección de novos socios estratéxicos e
industriais no marco do programa de I+D, para o que está previsto un
investimento de máis de 50 M€, incluíndo o financiamento obtido
do Plan Complementario de Biodiversidade; e unha segunda contratación
para avanzar na incorporación de sistemas non tripulados aos
servizos públicos galegos, na que se investirán 6,5 M€ para o
desenvolvemento e adquisición de solucións innovadoras aplicadas á
xestión de emerxencias sanitarias, sociais e forestais e dos
recursos mariños. Asemade, adxudicouse xa o proxecto de simulación
avanzada para a xestión do tráfico aéreo U-Space no Centro de
Investigación Aeroportada de Rozas (CIAR), unha licitación lanzada
polo Centro para o Desenvolvemento Tecnolóxico Industrial (CDTI) e
adxudicada a Indra e Boeing por valor de 12,75 millóns de euros.