GPS resistente á agua de Garmin

Os navegadores GPS cada día inclúen máis prestacións, como a reprodución multimedia ou o seu aproveitamento como sistema de mans libres Bluetooth, pero o Garmin nüvi 500 resulta rechamante por ser resistente á auga (pode somerxerse a 1 metro de profundidade durante 30 minutos), o que permite o seu uso para distintas actividades: condución no automóbil, camiñando pola rúa, indo en bicicleta e mesmo en embarcacións.
Este impresionante navegador sairá á venda no terceiro trimestre do ano, mide 106,9 x 85,1 x 22,9 milímetros, pesa 215,5 gramos, conta cunha pantalla táctil de 7,2 x 5,4 centímetros cunha resolución de 320 x 242 píxeles que se pode ver incluso baixo a luz do sol, batería cunha autonomía de 8 horas, altofalante e compás dixital; aínda que coma pega poderiamos indicar que non ten sistema conversor de texto a voz, de xeito que non pronuncia o nome das rúas polas que nos movemos (senón que se limita a instrucións pregravadas).