Ghost of Tsushima chegará a PS4 o 26 de xuño

Un dos xogos exclusivos para PlayStation 4 máis agardados é o título de Sucker Punch Ghost of Tsushima, que sitúanos no Xapón (concretamente na illa de Tsushima) a finais do século XIII, onde o guerreiro samurai Jin Sakai ten que protexer á súa xente dos ataque dos mongois liderados por Khotun Khan, para o que ten que desprenderse das súas tradicións para forzar un novo camiño, o camiño do pantasmas, librando unha guerra pouco convencional pola liberdade de Tsushima.
Varios anos levamos vendo demostracións do que será este xogo, que promete un grande nivel gráfico e unhas mecánicas de xogo moi intensas, e que por fin ten unha data de lanzamento fixada, o 26 de xuño, comunicada a través do novo tráiler do xogo.
Tamén deron a coñecer as distintas edicións deste título, como unha edición dixital de luxo (que xunto co xogo inclúe contidos adicionais como un cabalo, unha cadeira, unha máscara, espadas e unha armadura para Jin, o talismán do favor de Hachiman, un punto de técnica, un tema dinámico para PS4 e un minilibro de arte dixital) e 4 edicións físicas, que van dende unha edición estándar que simplemente inclúe o xogo en disco até unha completísima edición para coleccionistas na que non falta unha réplica da máscara que levamos no xogo (para poder empregar de xeito decorativo), un estandarte de guerra de máis dun metro de lonxitude, un furoshiki de estilo tradicional, o mapa do mundo do xogo impreso en tea, un libro de ilustracións, o xogo en caixa metálica e unha chea de contido dixital.