Gigabyte confirma que recibirá a Windows 8 cun novo tablet

Para recibir ao Windows 8 a semana que vén a taiwanesa Gigabyte anunciou hoxe o seu tablet S1082, que permitirá correr o Windows 8 Pro (e non o Windows RT co que funcionan os tablets básicos) e funciona cun procesador Intel Atom de dobre núcleo, pantalla de 10,1 polgadas cunha resolución de 1.366 x 768 píxeles, USB, HDMI, saída VGA, Ethernet, 3G e un disco duro de 500 Gb que pode substituírse por unha unidade SSD de 256 Gb (oscilando o seu peso entre os 790 e os 850 gramos en función de tal característica) e coa posibilidade de adquirir unha base que engade ao dispositivo unha unidade de DVD, 2 altofalantes e un subwoofer. Tamén poderá mercarse cunha batería secundaria que permite estender a súa autonomía ata 12 horas.

O tablet poderá adquirirse cunha base que engádelle DVD e altofalantes con subwoofer

Este equipo debería chegar ao mercado vindeiro venres, estimándose que o seu prezo estará no rango dos 599 e os 799 dólares, o que supón que a transformación dos actuais ordenadores ultraportátiles de baixo custo en tablets con Windows 8 ten un prezo que aínda está afastado da meirande parte de petos (e demasiado próximo a tablets moito máis avanzados, con procesadores de grande potencia e un deseño máis delgado e atractivo).