God of War terá versión para móbiles

Sony Online Entertainment anunciou que a súa franquicia de videoxogos God of War, que tanto éxito está a acadar nas consolas doméstica da compañía nipona, saltará á pequena pantalla dos móbiles con God of War: Betrayal, que se sitúa entre os arcos argumentais das súas 2 primeiras entregas, co protagonista, Kratos, que tratará de recuperar a súa honra despois de que os humanos o acusen de traizoar ó Olimpo.
Aínda que a historia sexa fiel á das anteriores entregas, a versión móbil de God of War amosa uns gráficos en dúas dimensións que, pese a ser dignos, poden decepcionar ós usuarios afeitos á espectacularidade habitual da saga, pero a xogabilidade e a violencia se conservan en GOF: Betrayal, nunha aventura que garante unhas 4 horas de diversión (algo pouco habitual nos xogos para móbiles, que normalmente teñen que limitar drásticamente mapas e personaxes para adaptarse ós terminais telefónicos). Un xogo para móbil que procurará atender a demanda móbil dos seguidores das andainas do poderoso Kratos.