Google Play Games permite gozar de xogos para móbil no PC

xoves, 25 de maio do 2023 Marcus Fernández

Google Play Games pódese xa instalar no noso ordenador se cumpre cos requisitos mínimos, e aínda que falamos dunha aplicación que aínda está considerada como beta, conta cunha selección de máis dun cento de xogos de móbil que agora podemos gozar no noso ordenador persoal, o que se agradece especialmente en títulos nos que é habitual xogar durante horas, aínda que tamén haberá que prefira xogar no PC para poder empregar sistemas de control máis precisos que a pantalla do teléfono (como o teclado e o rato).
A sincronización a través dos servidores de Google permite que os avances que realizamos no ordenador poidan conservarse no móbil e viceversa, o que é o principal atractivo desta solución para xogar no PC a xogos de móbil con esta solución de Google, xa que no mercado existen numerosas solucións que xa permitían correr aplicacións de Android baixo Windows (e incluso é posible instalar directamente moitas aplicacións de Android en Windows 11).

Vídeo promocional de Google Play Games

PUBLICIDADE