Google podería lanzar un servizo de busca de descargas musicais

As últimas informacións que circulan pola Internet dan a entender que o vindeiro mércores Google vai anunciar un servizo de busca de música na web que incluirá o acceso á compra de cancións para competir así coa tenda musical de Apple, iTunes.
A venda de contidos realizaríase a través de Lala e iLike, servizos especializados na música, mentres que o negocio de Google limitaríase á publicidade no servizo (e non entraría realmente na venda musical).