Grok non utilizará as publicacións en X de usuarios europeos sen o seu consentimento

A Comisión de Protección de Datos (DPC) de Irlanda iniciou un procedemento contra Twitter ao ter coñecemento de que pretendía empregar as publicacións dos usuarios de X para adestrar o modelo de linguaxe Grok sen o consentimento expreso dos afectados, e agora anuncian que chegaron a un acordo con X para a suspensión do procesamento de datos de usuarios europeos de X recollidos entre o 7 de maio e o 1 de agosto.
Estamos ante a primeira ocasión na que a DPC intervén para protexer os dereitos e liberdades de usuarios con respecto ao adestramento dun modelo de IA.