HP incorpora unha completa webcam nun dos seus novos monitores

Nos últimos meses converteuse nunha tendencia que as cámaras de videoconferencia de certos equipos inclúan a función de enfoque centrado, ou sexa, que permitan que o usuario poida moverse manténdose centrado en plano, prestación que agora introduce HP no seu novo monitor Z24m.
Así, esta pantalla cun panel IPS de 23,8 polgadas, cunha resolución de 2.560 x 1.440 píxeles, conta con conectividade USB-C (achegando até 100 watts, o que permite alimentar a moitos equipos portátiles) e unha webcam de 5 Mpíxeles cun sensor de infravermellos (compatible co recoñecemento facial de Windows Hello) e sensor de proximidade.
A cámara integrada no monitor Z24m permite facer un seguimento do usuario cando se move diante da cámara. Ao contar tamén cun par de micrófonos con cancelación de ruído e un par de altofalantes de 5 watts, estamos ante un monitor moi interesante e completo para quen non precise resolución 4K.