Half-Life ofrécese de balde para celebrar o seu 25º aniversario

O 19 de novembro de 1998 vía a luz o xogo Half-Life, converténdose nun dos títulos máis influentes do xogo para PC, pero que leva bastante tempo sen recibir atención, e agora que se celebra o seu 25º aniversario decidiron restauralo e revitalizalo para facilitar que poida xogarse satisfactoriamente en equipos actuais (incluíndo Steam Deck). Pero a cousa non queda aí, e para que calquera xogador se anime a lembrar o Half-Life orixinal estes días ofrécese de balde en Steam.
Lembremos que Half-Life foi o primeiro xogo de Valve, compañía que medrou até converterse nun referente do sector que evolucionou até crear a principal tenda de xogos para ordenadores persoais, polo que é innegable a importancia que tivo o xogo protagonizado por Gordon Freeman no mundo dos videoxogos, xa que sen este grande éxito o panorama do sector sería totalmente distinto.