Hellblade II chega a semana que vén ao Game Pass

mércores, 15 de maio do 2024 Marcus Fernández

Xbox Game Pass incorporará numerosos xogos nas vindeiras semanas, con varios de grande calidade, entre os que destaca especialmente Senua’s Saga: Hellblade II, que se estrea directamente en Game Pass e que é a secuela dun dos xogos máis reputados dos últimos anos, Hellblade: Senua’s Sacrifice, destacando unha vez máis pola súa grande inmersión a nivel gráfico e sonoro. Este xogo chegará ao Game Pass o vindeiro día 21, e poderemos gozalo en Xbox Series X|S, PC e a nube.
Pero esta mesma semana tamén temos grandes xogos, como Brothers: A Tale of Two Sons (xogo de quebracabezas de Starbreeze Studios), Chants of Sennaar, EA Sports NHL 24 (dispoñible mediante streaming) e Immortals of Aveum (shooter máxico en primeira persoa).
O 23 de maio tamén recibiremos os xogos Hauntil e Galacticare; o 28 de maio chegará Moving Out 2; seguiranlle o día 30 Humanity e Lords of the Fallen; e xa para o 4 de xuño está confirmada a chegada de Firework e Rolling Hills.

PUBLICIDADE