Holy Night! comeza o seu periplo internacional
venres, 4 de marzo do 2011
O Cartoon Movie 2011,
celebrado onte na localidade francesa de Lyon, vén de dar acollida á estrea da
longametraxe de animación en 3D estereoscópico, Holy Nigth!, a cuarta película da galega Dygra Films, que comeza
agora o seu periplo internacional para darse a coñecer e estrearse no vindeiro
Nadal no meirande número de países, incluído o noso.
A posta de largo deste proxecto tivo lugar perante os
representantes máis importantes da industria da animación europea, que puideron
ver a versión inglesa de Noite de Paz?
(Holy Night!), que tivo ao guionista
de Madagascar, Billy Frolic, como colaborador de excepción na adaptación do
guión orixinal.
Holy Night!, que conta
co selo propio de Dygra, Native Digital
3D (que garante unha produción estereoscópica nativa), foi concibida e
producida dende o comezo en dixital 3D estereocópico e para o seu
desenvolvemento e promoción dispón dun presuposto de 18 millóns de euros.
Trátase da primeira película de animación con rodaxe estereoscópico
creada no noso país e unha das primeiras de España que en Lyon foi seleccionada
na modalidade de Películas completadas
xunto con outros sete traballos.
Estes estudos galegos con máis de vinte anos de experiencia
ás súas costas, lanzan con Holy Night!
a súa “aposta máis ambiciosa”, ao
mesturar nunha mesma aventura unha mensaxe de convivencia e respeto entre
culturas da maneira máis divertida e amena.